19 августа 2011 г.
Юрăхсăра тухнă пестицидсесене утилизацилес ыйтупа Россельхознадзорăн республикăри управленийĕ пуçаруллă ĕçлет. 2008 çулта юлашки хут Муркаш, Куславкка, Канаш, Комсомольски тата Етĕрне районĕсенчен юрăхсăр химикатсене тĕп тума полигона ăсатнă. Çак ĕçе малалла тăсмашкăн халĕ республика бюджетĕнчен 4 млн. тенкĕ уйăрма, унпа 6454 тонна сиенлĕ пестицидран хăтăлма палăртнă. Республикăри уйсенче выртакан 188 тонна сиенлĕ химикатсене пĕтĕмпех пĕтерме вара тата 2 млн. тенкĕ кирлĕ. Хальлĕхе Вăрнар, Канаш, Красноармейски, Хĕрлĕ Чутай, Вăрмар, Çĕрпÿ, Çĕмĕрле районĕсене çак укçана валеçме палăртнă. Хăш-пĕр районсем ку ĕçе васкавлăн пуçăннă ĕнтĕ.
Шупашкар районĕнче те 68 тонна пестицид çĕрпе шыва вараласа выртать.
Источник: "Тăван ен"