Публикации » Тивĕçлĕ документсемсĕр сутнă

Тăвайри прокуратура Чăваш Республикинчи Россельхознадзор Управленийĕн тата «Тăвайри выльăх-чĕрлĕх чирĕсемпе кĕрешекен станци» патшалăх учрежденийĕн специалисчĕсемпе пĕрле сысна ĕрчетекен хуçалăхсем Раççей Федерацийĕн ветеринари çинчен калакан законодательствине мĕнле пăхăнса ĕçленине тĕрĕсленĕ.

Тĕрĕслев вăхăтĕнче районти «Красная Чувашия», «Новый путь» хуçалăхсем РФ ял хуçалăх министерствин 2006 çулхи ноябрĕн 16-мĕшĕнчи 422 номерлĕ приказĕпе çирĕплетнĕ «Пĕрле памалли ветеринари докуменчĕсемпе тивĕçтерес ĕçе йĕркелемелли правилăсем» требованийĕсене пăснине палăртнă, сыснасене пĕрле памалли ветеринари докуменчĕсемсĕр сутнă. Асăннă хуçалăхсен ертÿçисем тĕлĕшпе Тăвай районĕн прокурорĕ административлă право йĕркине пăснă пирки РФ КОАПăн 10.6 статйин 1 пайĕпе ĕçсем пуçарнă.